Astara rayon Mərkəzi Kitabxanasında “İnsan hüquqları aylığı” çərçivəsində “Bərabər hüquqlar – güclü cəmiyyət” mövzusunda maarifləndirici tədbir keçirilib.Tədbirdə rayonun dövlət qurumlarının nümayəndələri, təhsil işçiləri, şagirdlər, mədəniyyət əməkdaşları və digər qonaqlar iştirak ediblər. Çıxışlarda insan hüquqlarının qorunması, vətəndaş məsuliyyətinin artırılması, hüquqi maarifləndirmənin əhəmiyyəti barədə məlumat verilib. Eyni zamanda, bu istiqamətdə həyata keçirilən tədbirlərin cəmiyyətdə hüquq mədəniyyətinin formalaşmasına və insan hüquqlarına hörmət prinsiplərinin güclənməsinə mühüm töhfə verdiyi vurğulanıb. Sonda belə maarifləndirici tədbirlərin davamlılığının vacibliyi qeyd olunub.